Rendi Collection Kampus

Hey rek…. Dino iki pas jam setengah songo, aku teko nang kampus. Aku mlaku nang njero loby. Terus aku ketemu Rendi si Penceng lagi leyeh-leyeh tenguk-tenguk gak kanggo nang ndukur korsi dowo. Embo delokane lagi galau arek iku. Tak entep diluk, tak parani, tak cedeki,,, terus tak kaplok…. Plak…. Aku takon sak marine ngaplok Rendi “koen njupuk sepatuku ya?” seng Rendi tola-tole gak tayo. Mikir paleng. “gak ero nyeeeeetttt…… barean lo, saiki kan awakmu sek nggawe sepatu… iku??” Rendi njawab ambek ndodeng sekelku. “oo……. Iyo lali, sepurane yo, sepatuku sek woto..” jawabku gak ero duso. “o… iyo se, aku maeng ngipi sepatuku ilang mbok jupuk.” Maturku nang Rendi. Sak marine iku, aku longgo jejer karo Rendi. Koyok biasae, aku ngenteni adek kelasku seng jenenge Yulika. Areke pesek, imut, unyu koyok nutria jell seng d idol nang pasar kembang Banyu Urip iku. Tapi seje rek, nutria jell iki isok ambekan. Diluk engkas, si Yulika teko moro nang aku.

Kaet biyen si rendi ambek Yulika iku gak tau akur. Ibarate ngunu Rendi iku kecoak, Yulika baygone. Gak tau akur wong loro iku emboh kenek opo. Terus morongunu Yulika longgo jejer aku, pinggire onok Rendi. Tak deloooook ae wajae si Rendi wes siap koyok kate nyapluk sego tumpeng. Tak takoni Rendi “praenmu wes elek, macak elek. Lapo koen iku??” areke gak njawab. Malah nyelok Yulika “”halo sayanggg…..” seng Yulika ngguyu ae gak jelas. Morongunu aku nyaot nang Rendi. “nyelok opo koen maeng ceng???” terus si Rendi meneng ae ambek ngguya-ngguyu. Sak marine iku si Rendi takon nang aku “gak mangan a wer?” seng nyauti duduk aku. Malah Yulika nyaot “heee??? Mangan?? Mosholla buat loe,,, eh kliru, mushola buat gue aja, elo parkirannya ae.” Aku kekel ngerungokno omongane Yulika maeng. Sak marine iku si Rendi sek terus nggudoi aku ae, emboh, delokane arek iku ngesir aku. Tapi sepurane, semunggoko aku homo ngunu sek pilih-pilih, gak ngara milih Rendi. Aku mblajari Yulika nang kunu maeng. Moco buku bahasa inggris meennn…. Guaya rek aku. Hahahaha… terus si Rendi nggudoi ae, wong yo wes ngerti aku ambek Yulika sek sinau malah digudoi. Tapi masalae saiki. Yoopo carane metu teko jeratan gudoan setan cobleng Rendi iki. Terus mikiiiiirrr aku… mikiiiir jeruh sak jerune peceren pinggir sumurku seng tak ingoni uget-uget nang kunu iku,. Teruuuussss mikir sampek ketemu jalan keluar… lha,,, aku kan eleng nek Rendi iku duwe fans. Tak sms I ae fans-fans e rendi. Sak elengku nang kampus Rendi iku wong terkenal. Wong Rendi cakep ae,,,, penggemare Rendi cakep nang kunu menamai dirinya sebagai Rendi Collection. Aku gak ero lapoo kok jenenge ngunu kui. Tak sms fans e Rendi. Mulai halim, Mail, Sukri lan wong seng paleng ngganteng koyok Bret Pitt, yoiku Yazed. Tak sms kabeh nek Rendi nang loby. Dilu engkas arek-arek iku teko nang Rendi. Tak jareku arek-arek njalok tanda tangan nang Rendi, tapi malah arek-arek nagihi utang nang Rendi. Sak durunge ricuh, tak tinggal ae mumpung during. Aku ngejak Yulika ngale teko nggon kunu. Yulika tak jak nang lantai 2.

Sak marinr iku, aku tolek nggon kanggo belajar bareng ambek Yulika. Sak jane se seneng aku belajar bareng. Tapi seng gak tak senengi iku Yulika mesti males moco bukune. Aku mbujuk sampek tak turuti karepe cek gelem moco, eh malah aku seng dikongkon moco. Eowes lah, seng penting areke ngerti. Aku yo gak ngara getun, mergane teko moco iku aku yo pale duwe pengalaman akeh. Suwon yo,,,, hahaha…. Sak maringono,jam setengah sewelas Yulika mlbu nang kelas. Wes lah. Tak takoni areke, “pean wes mangan ta? Nek dereng ndang mangan. Engkok nek gak mangan mati. Eman sampeyan. hehehe” areke malah ngguyu kekel. Yowes lah jarno. Paleng-paleng nek luwe pasti mangan-mangan dewe. Wes mari cukup belajar bareng. Areke pamitan mlbu kelas. “aku mlbu mas ya. Daaaaa….” Oke… sak marine iku aku mbalek nang lobi. Marani Rendi seng ditarap ambek Rendi Collection maeng. Hahah,,,, embo, woto ta opo gerowak kupinge arek iku…